ಎಲ್ಲರಿಗೂ ನನ್ನ ನಮಸ್ಕಾರಗಳು, ಈ ಕವನಗಳು, ಕವಿತೆ, ನುಡಿ ಎಂಬುದು ಪುಸ್ತಕ ರೂಪದ ಮೊದಲ ಹೆಜ್ಜೆ. ಮಿತ್ರವೃಂದದವರ ಪ್ರೋತ್ಸಾಹ ಈ ರೂಪದಲ್ಲಿ ಪ್ರಕಟಗೊಂಡಿರುವುದಕ್ಕೆ ಸಂತಸವಾಗಿದೆ. ಆದರೆ ಇದಕ್ಕೆ ಮೊದಲು ಕೆಲ ವಿಷಯಗಳು ಹಂಚಿಕೊಳ್ಳುವುದಿದೆ .

ಇಲ್ಲಿ ಮುನ್ನುಡಿ ಬರೆದಿರುವ ಶ್ರೀಯುತ ರಮೇಶ ನಾಗರಾಜ ರವರು ನಮ್ಮ ಆಪ್ತ ಮಿತ್ರರು ಹಾಗೆ ಅವರ ಮುನ್ನುಡಿಗೆ ನಮ್ಮ ಹೃದಯ ಪೂರ್ವ ಅಭಿನಂದನೆಗಳು. ನಾನು ಬರವಣಿಗೆಯಲ್ಲಿ ಅವರು ತಿಳಿಸಿರುವಷ್ಟು ನಿಪುಣನಲ್ಲ, ಸಮುದ್ರದಲ್ಲಿ ಒಂದು ಹನಿಯ ಲಕ್ಷ ಭಾಗ ಮಾಡಿ, ಅದರಲ್ಲಿ ಸಹಸ್ರ ಭಾಗದ ಒಂದು ಹನಿಯ ಕೊನೆಯ ಮೂಲೆ.

ಸಣ್ಣ ಪುಟ್ಟ ಕವನ ಸಾಲುಗಳನ್ನು ಸಮಾಜ ವಾಹಿನಿಯ ನನ್ನ ಪುಟಗಳಲ್ಲಿ ಬರೆಯುತ್ತಿರುವೆ, ಬರೆಯುವ ಹವ್ಯಾಸ ಶಾಲೆಯಲ್ಲಿ ಇತ್ತು ಆದರೆ ಅದು ಕಾರಣಾಂತರಗಳಿಂದ ಮಾಸಿ ಹೋಗಿತ್ತು, ಈಗಲು ಬರೆಯುವ ಹಾಗು ಓದುವುದರಲ್ಲಿ ಅಷ್ಟು ಕಾಲಕಳೆದಿಲ್ಲ, ಲಾಕ್ಡೌನ್ ನಿಮಿತ್ತ ಸ್ವಲ್ಪ ಸಮಯ (ಚಿಂತಿಸಲು , ಬರೆಯಲು, ಅನ್ವೇಷಿಸಲು) ಬರವಣಿಗೆಯಲಿ ತೊಡಗಿದೆ. ಆದರೆ ಅದೂ ಕೂಡ ಪೂರ್ಣ ಪ್ರಮಾಣದಲ್ಲಿ ಅಲ್ಲ .