डॉ. कविता रॉबर्ट आल्मेडा हयांनी 1998 ते 2004 या काळात अवर लेडी ऑफ ग्रेस ट्रस्ट संचलित सेंट गोन्सालो गर्सिया महाविद्यालय, वसई येथे ज्ञानदानाचे कार्य केलेले आहे तसेच 2001 पासून ज्ञानदीप मंडळ संचलित सेंट जोसेफ कला व वाणिज्य महाविद्यालय, सत्पाळा, विरार या ठिकाणी अर्थशास्त्र विषयाच्या सहयोगी प्राध्यापिका म्हणून कार्य करीत आहेत. त्यांनी मुंबई विद्यापीठातून पदवीपर्यंतचे शिक्षण व पदव्युत्तर शिक्षण एसएनडीटी महिला विद्यापीठ, मुंबई येथून अर्थशास्त्र या विषयातून पूर्ण केले. त्यांनी याच विद्यापीठातून अर्थशास्त्र विषयात पीएच.डी.चे संशोधन कार्य पूर्ण केले. अर्थशास्त्र विषयात त्या सेट (SET) परीक्षा ही उत्तीर्ण झालेल्या आहेत. राष्ट्रीय व आंतरराष्ट्रीय पातळीवर विविध विषयातून आपले शोध निबंध त्यांनी सादर केले आहेत. पुकार या स्वयंसेवी संस्थेच्या माध्यमातून तसेच मुंबई विद्यापीठाच्या लघु संशोधन प्रकल्पाचे कार्य त्यांनी पूर्ण केले आहे. अर्थशास्त्रासंबंधी विविध विषयावर संशोधनाचे कार्य त्या करीत असून भविष्यात अर्थशास्त्र विषयाच्या विविध पैलूवर संशोधन करून महिलांच्या आर्थिक सबलीकरणाच्या प्रक्रियेत प्रत्यक्ष कार्य करण्याचा मानस आहे.